【好長的老套回顧】
2016即將完結，呢幾日心裡老套地自己回顧緊自己的2016。
2016，係我25年人生當中暫時經歷最多風浪既一年。
上半年我自己一啲私人嘅事情令到世界崩潰了，
果段日子我就成日自己喺房喊，喊完第日又笑住番工
第一次覺得世界變了樣，一直相信既野好似一次過崩壞了
果段日子係我對世界對生命對家人對人有最多疑問既日子
但我選擇將呢堆情緒收埋，無同任何朋友講
唯獨身邊有麥仔係我唯一既樹洞，
果個時候麥仔既陪伴我永遠都感激。
幾多次我喊到淚人都係佢緊緊抱住我話：您仲有我
呢段陪伴同支持我到依家打番都會喊⋯⋯
/
下半年經歷左公司結業，我失去左人生第一份長工。
失業兩個月，到後期我開始好迷失亦好擔心
好怕搵唔到工會坐食山崩，又好唔知自己想做乜/可以做乜
當我懷疑自己既時候，係麥仔同我講我係有能力唔洗擔心。
而到最後，我找到了比之前更適合自己既工作。
/
呢一年對我係改變既一年
亦係呢個page開始既一年。
當然中間我都有好多快樂片段
例如同麥仔去左三個旅行～同好多經歷⋯⋯
不過最教人難忘既，永遠都係低處時支持住自己既人。
我感謝麥仔。相信我，愛係一種好大既力量，
足以幫你建立番崩潰左既世界，
找個同您風花雪月既人好易，但找個同您風雨同路既人好難
一個陪您遊盡世界既人，永遠唔及一個陪您坐公園喊既人珍貴。
記得感謝那個不離不棄既人 <3
/
ig: hkgirlfriend
港女友 Hong Kong Girlfriend.
Search